...en að fagna því huganum með mér, nú eða tjá það með áhrifaríkum hætti í viðbragða-græjunni, að nú hef ég lokið síðasta áfanganum að svokölluðu diplóma í opinberri stjórnsýslu. Það er nú ekki bara í Perth eða Berlín sem fólk er að gera það gott þessa dagana. :)
Ég er búinn að vera að dunda mér við þetta undanfarin ár og tel að þessi aðgerð mín hafi átt sinn þátt í því að ég lít svo á að höfuðið á mér sé síður en svo að gefa sig að ráði.
Það má spyrja um tilgang með svona löguðu. Svarið er í rauninni einfalt: Maður lærir til að læra, en ekki með það sem megintilgang að ná sér í vel launaða stöðu.
Starfsánægja hlýtur alltaf að vega þyngra en þung budda, þegar upp er staðið. Reyni hver sem vill að mótmæla því með rökum. Nú er tækifærið.
Næst á dagskrá er að skella sér í að láta sig hlakka til afa-barnsins, prófa-tímans, jólanna og heim-komu Ástralíu-faranna, jafnvel einnig kóræfingar hjá Víxlakórnum (sérlega heppilegt nafn á kór um þessar mundir. Að öðru leyti gæti hann heiti Kreditkórinn, eða Söngkórinn Debet). Kórinn heitir reyndar ekki neinu þessara nafna, ekki enn í það minnsta. Mig grunar einhvern veginn að það verði kvenlæg viðhorf sem munu verða ofan á hér sem annarsstaðar og sem kalla á eitthvert kvenlægt nafn (Blómakórinn, Vinakórinn, eða þ.u.l. Ég ætla nú ekki að missa svefn yfir því. Kórinn þessi hefur það markmið eitt að kíkja á Berlín í byrjun júní.
Tímamót á að tala um
en tönnum á að bíta með.
Það er mér ekki þvert um geð.
Til hamingju með að kunna nú stjórnsýslu opinberlega.
SvaraEyðaHeld barasta að þá sértu kominn á par við alþingismennina :)
Hirðkveðill Laumubloggarans kunngjörir hamingju- og velvildaróskir í tilefni áfangans!
SvaraEyðaÓsköp er nú indælt prófið
ósköp gott að þú ert búinn!
Mikið ert' nú merkur, hróið
og mikið hreint - já, alveg búinn!
H.Ág.
... og svo er það litla skottið, sem birtist bara alveg rétt bráðum! - Og Ástralía sjálf á heimleið. Já, stundum er nú lífið dásamlegt.
Ég var að panta miða á "Skilaboðaskjóðuna" fyrir mín tvö litlu trýni og "Rebba ráðagóða" eins og þau kalla virðulegan hirðkveðilinn.
Megi nú allir gleðjast um sinn...
Anónímus hirðkveðill
æ, síðasta línan átti að vera:
SvaraEyða"máttlaus já og heldur lúinn"
svona er að ýta of fljótt á "senda"
Gott að vera ekki fullkomin - þótt litlu muni!
H.Ág.
Viltu breyta þessu fyrir mig?
Til hamingju með að vera kominn með diplom.... það er eitthvað sem ég á aldrei eftir að sjá :) sé ekki fyrir mér í hverju það ætti að vera :)
SvaraEyðaafhverju ekki bara Tungnakórinn eða kór Biskupstungna? er ekki það einfaldasta alltaf besta lausnin?
Hvaða andskotans þingmannaparanoja er þetta að þurfa að samþykkja öll komment!!! Þó´þú sért kominn með stjórnunar vottun, þarf nú ekki að snúa öllu við.
SvaraEyðaÞetta með samþykki á komment var nú reyndar eitthvað sem ég gerði ekkit vitandi vits. Nú er að reyna að finna út hvernig ég get afgert það :(
SvaraEyða