Ég hef reyndar lengi verið þeirrar skoðunar, af ýmsum ástæðum, að Ísland eigi að vera hluti af EU. Þetta hefur ekkert breyst í gengum tíðina, þrátt fyrir málflutning andstæðinga þessarar hugmyndar.
Ég hef verið og er enn svo illa innrættur, að ég hef afgreitt það meira og minna sem sérhagsmunagæslu og samsæriskenningar.
Það sem ég veit um líf venjulegs fólks innan sambandsins hefur hreint ekki orðið til þess að ég efaðist.
Enn má svo sem eiga von á því, að fram komi skotheld rök og ég er auðvitað opinn fyrir þeim, svo lengi sem þau innihalda ekki merkingarlausa orðaleppa eða innantóma frasa.
