Það er líklega nokkuð almennt viðhorf elstu kynslóðarinnar, að hún vill ekki skulda neinum neitt, vill standa sína pligt í hvívetna og getur ekki hugsað sér að taka áhættu eins og þá að mæta með bílinn sinn í skoðun eftir að frestur til þess er liðinn. Þegar bílnúmerið endar á 6 þá skal fara með bílinn í skoðun ekki seinna en í júní, helst fyrr. Í framhaldinu velta menn fyrir sér hvort hugsanlega getur verið eitthvað að bifreiðinni, því það er engan veginn ásættanlegt að eitthvað sé ekki í lagi, jafnvel þótt fararskjótinn geri lítið annað en standa inni í bílskúr. Það verður að huga að öllu því, eins og fyrirsögnin segir: "Það er smátt sem hundstungan finnur ekki."
Þetta orðtak hef ég aldrei heyrt fyrr og finnst það harla skondið, ekki síst í þessu samhengi.
Það liggur fyrir að bifreiðin verður færð til skoðunar í fyrramálið. Vonandi verða hundarnir búnir að sleikja svo mikið að tungan leiti ekki allt uppi.
Hirðkveðill hefur heyrt þetta orðatiltæki notað um ýmislegt. Hér kemur eitt dæmi um stétt kjaftakjéddlinga og rógbera af hvoru kyni sem er:
SvaraEyðaUm ærunnar þykkild' og þynnur
hún þreyfar og rógburðinn spinnur
jafnvel ljúfmennsk' og gát
verða löngum þá mát:
Það er lítið sem hundstung' ei finnur.
Hirðkveðill yrkir um fundvísi hundstungunnar ;-)