Á þessum degi hef ég hitt fólk sem endranær, sem er fjarri því að vera ánægt með stöðu mála í þessu samfélagi. Reiðin hefur verið að gerjast með þessari þjóð, sem er þekkt af því að láta ekki tilfinningar sínar í ljós í umtalsverðum mæli. Nú virðist hún vera að brjótast fram af síauknum þunga með ofyrirsjáanlegum afleiðingum. Mér þætti það í meira lagi undarlegt ef það tekst, þessu sinni, að þagga niður í íbúum þessa lands.
Ég get ekki neitað því að mín reiði er einnig farin að láta á sér kræla, en mér finnst ekki augljóst hvert á að beina henni. Um þessar mundir hamast gerendur í þessum óþverramálum við að benda hver á annan. Hver og einn hefur hag af því að ljóstra upp um skuggalegt athæfi hinna.
Það er smám saman að koma í ljós að tengsl milli fólks í fjármálageiranum, stjórnmálum og löggæslu í þessu landi eru miklu meiri en maður hefur ímyndað sér. Þegar það liggur fyrir eykst enn vantraust á allt það sem gert er til að komast að hinu sanna um aðdragandanum að þessum hörmungum.
Mér sýnist að það verði ekki friður í þessu landi fyrr en erlendir aðilar verða settir í að hreinsa þennan flór. Fólkið verður vonandi ekki sátt fyrr en það hefur verið gert.
Það var milt veður í dag. Rigningin lamdi á þökin og jörð skalf. Obama fór að kjósa, en Makkinn er ekki búinn ennþá. Allt silast þetta einhvernveginn áfram.
Fólkið ljær reiðinni vængi.
Sem betur fer skilur hirðkveðillinn ekki fólk, sem kemur ítrekað fram fyrir alþjóð með hrópleg ósannindi, undanbrögð og svo hálfsannleika - væntanlega í skjóli þess að pöpullinn sé svo heimskur. - (eina ferðina enn!Fíbbblin!).
SvaraEyðaOg "ættræknin"? Ja, enn blómstrar hún... dyggðin sú. Þú hefur lög að mæla; hér þarf að hreinsa flórinn, þótt sennilegt sé að nokkrar nautheimskar kýr fái að halda sínum básum; allavega í bili.
*********************************
Legg ég nú til að leitað verði til Nýja_Sjálands (er það ekki hvað lengst frá íslenskum ættum?) eftir þremur einstaklingum með þekkingu á fjármálaveröldinni og fallit-meðhöndlan, viðamikla reynslu, fætur á jörðinni og menntun (ekki bar próf; ég sagði menntun).
Þessir einstaklingar verða svo flórskafa íslensku þjóðarinnar; sjálfstýrð, farandisk í gang hvenær sem er og á hvaða hátt sem er; sumsé random - svo nútímafólk skilji.
Auðvitað munu einhverjir embættismenn lafa á sínum stólum - allavega í byrjun. En við þurfum að fá sköfuna strax.
Hún flórinn mun skafa og skafa
(hvar Skjalda og Huppa enn lafa)
Þær skilj' ekki baun
en skraf' um - á laun
að skafan hún "þekkt' ekki afa"!
(Hvernig komst hún þá að?)
Bloggskapur um "frændsemi og ættrækni" - og hrein borð, takk.
Pjé ess:
Ég óska veröldinni til hamingju með að þurfa ekki lengur að hafa hrætt, óupplýst og árásargjarnt leikskólabarn í Hvíta húsinu þarna í henni Ammríku.
H.Ág.